Qala basshysy Almaty – Qazaqstannyń mádenı, ǵylymı, iskerlik jáne qarjy ortalyǵy, onyń úlesine ekonomıkanyń besten bir bóligi (2023 jyly 20,6%) jáne QR búdjetiniń barlyq kiristeriniń tórtten birinen astamy (2023 jyly 26,2%) tıesili ekenin atap ótti, sondaı-aq kezdesýge qatysýshylardy iskerlik áriptestikti keńeıtý máselelerinde jan-jaqty ózara is-qımylǵa shaqyrdy.
Qala «Almatynyń 2025 jylǵa deıingi damý baǵdarlamasy jáne 2030 jylǵa deıingi orta merzimdi perspektıvalar» aıasynda aýqymdy, ınfraqurylymdyq jáne ekologıalyq jobalardy iske asyrýda ınvestorlarmen yntymaqtastyq úshin ashyq.
Investısıalar úshin perspektıvaly baǵyttardy atap ótip, Erbolat Dosaev júrdek qoǵamdyq kólik júıesin qurý jáne iri ınovasıalyq óndirister damyǵan Almatydaǵy Indýstrıaldy aımaqtyń aýmaǵyn 40% - ǵa keńeıtý josparlary týraly aıtyp berdi (búginde IAA-nyń jalpy aýdany 490 ga quraıdy). Turaqty ekonomıkalyq ósýdi qamtamasyz etý úshin ekonomıkanyń basym salalarynda (óńdeý ónerkásibi, týrızm, IT jáne kreatıvti ındýstrıalar) eńbek ónimdiligi joǵary jumys oryndaryn qurýǵa basa nazar aýdarylatyn bolady. «Smart Sıtıdi» qurý konteksinde aýa sapasyn jaqsartý jáne qaladaǵy lastaný deńgeıin tómendetý jónindegi «jasyl» jobalar men bastamalardy, sıfrlyq jobalardy iske asyrýǵa, sondaı-aq densaýlyq saqtaý jáne bilim berý obektilerin salý men zamanaýı jabdyqtarmen jaraqtandyrýǵa erekshe nazar aýdarylatyn bolady.
Investorlardy qoldaý úshin aǵymdaǵy jyldyń maýsym aıynda «Almaty Business Development Center» qalalyq front-ofısi ashylady, onda konsýltasıalyq qyzmetter «bir tereze» (One-Stop Shop) qaǵıdaty boıynsha usynylady. Budan basqa, Almatyda turaqty damý standarttaryna saı keletin ınfraqurylymdyq jáne ekologıalyq jobalardy qarjylandyrý úshin jasyl oblıgasıalar shyǵarýdyń erekshe múmkindigi bar.
Kezdesýde Qazaqstan Respýblıkasy Syrtqy ister mınıstrliginiń Almaty qalasyndaǵy Ókildigi basshysynyń m.a. Islambek Raımov, QHR, Iran, Túrkıa, Fransıanyń Bas konsýldary, «Qurmetti konsýldar qoǵamy» respýblıkalyq qoǵamdyq birlestiginiń basqarma tóraǵasy Denıs Van den Veıh, sondaı-aq Nıderlandy, Slovenıa, Chehıa, Shvesıanyń Qurmetti konsýldary quttyqtaý sóz sóıledi.
Keńeske qatysýshylar Almatynyń sońǵy jyldardaǵy ekonomıkalyq damý qarqynynyń serpindiligin jáne saýda-ekonomıkalyq, mádenı-gýmanıtarlyq baılanystardy keńeıtýdegi joǵary áleýetin atap ótti. Kezdesý qorytyndysy boıynsha taraptar odan ári ózara is-qımyl jasaýǵa jáne dostyq qarym-qatynastardy damytýǵa daıyn ekendikterin bildirdi.