Qala ákimi Darhan Satybaldy Almaly jáne Medeý aýdandaryndaǵy birqatar mańyzdy ınfraqurylymdyq jáne áleýmettik nysannyń jaǵdaıymen jáne jumys barysymen tanysty.
Nysandardyń biri Panfılov kóshesiniń-Qabanbaı batyr kóshesinen Jibek Joly kóshesine deıingi ýchaske boldy, onda abattandyrý jumystary aıaqtaldy. Bul - Almaly aýdany ákiminiń apparaty iske asyrǵan joba. Asfált jabyny jańartyldy (8500 sh.m.), jańa granıt tósenishter tóseldi jáne qalpyna keltirildi (barlyǵy 5500 sh. m.), 151 oryndyq, balardtar, balalar jáne sport alańdary ornatyldy. Qolónershilerge arnalǵan pavılondar, "Vızıt-ortalyq" jáne "Polısıa" modýlderi salyndy. 2,6 shaqyrym jańa jaryqtandyrý kabelderi sozylyp, eki qurǵaq sýburqaq jóndeldi. Jasyl aımaq 3800 sharshy metrge keńeıtildi: 13 myńnan astam kópjyldyq, 45 aǵash otyrǵyzyldy jáne 6500 sharshy metr kógal egildi.
Sondaı-aq, ákimge Nazarbaev dańǵylynan Seıfýllın dańǵylyna deıingi Jibek Joly dańǵylyndaǵy jaıaý júrginshiler aımaǵyn – Arbatty aldaǵy rekonstrýksıalaý tujyrymdamasy usynyldy. Munda keıingi kúrdeli jóndeý 2017 jyly júrgizildi. Jańa joba iri ólshemderdi paıdalana otyryp, kógaldandyrýdy ulǵaıtýdy, ınteraktıvti elementteri bar zamanaýı jaryqtandyrýdy, átkenshekteri bar demalys aımaqtaryn jasaýdy, balalar men sport alańdaryn jańartýdy, zaqymdalǵan tósemderdi iri formatty tósemderge aýystyrýdy kózdeıdi. Jumys 2025 jyldyń tamyzynda bastalyp, 2026 jyldyń maýsymynda aıaqtalady dep josparlanyp otyr.
— Ornatylǵan barlyq nysan biryńǵaı arhıtektýralyq stılge sáıkes kelýi kerek. Biz úzdik halyqaralyq tájirıbelerdi qoldanyp, sapaly qoǵamdyq keńistikter sanyn ulǵaıtýǵa tıispiz, - dep atap ótti Darhan Satybaldy.
Sapar aıaǵy Nazarbaev dańǵylynda ornalasqan Jambyl Jabaev atyndaǵy №161 lıseıde aıaqtaldy. Nazarbaev dańǵylynda ornalasqan Jambyl Jabaev. Oqý ornynda seısmıkalyq kúsheıtý, kúrdeli jóndeý jáne abattandyrý jumystary júrgizilýde. Lıseı 200 oqýshyǵa arnalǵan, onda zerthanalary bar ári múmkindigi shekteýli jandar úshin qajet jaǵdaılar qarastyrylǵan.
- Qalalyq ınfraqurylym ortalyqta da, turǵyn alaptarda da birkelki damýǵa tıis. Sapa standarttaryn saqtaý, turǵyndardyń suranystaryn eskerý jáne merzimderdi qatań qadaǵalaý qajet, - dep atap ótti qala ákimi.
Darhan Satybaldy barlyq jumystyń aıaqtalýyna jáne obektilerdiń ýaqtyly tapsyrylýyna turaqty baqylaýdy qamtamasyz etýdi tapsyrdy.