Memleket basshysy álemdik neırohırýrgıa salasynyń ókilderimen kezdesti, - dep habarlaıdy aqshamnews.kz.
Qasym-Jomart Toqaev Ýolter Edýard Dendı atyndaǵy neırohırýrgıa qoǵamdastyǵynyń dúnıejúzilik H kongresine qatysý úshin Astanaǵa kelgen álemdik neırohırýrgıa salasynyń ókilderin qabyldady.
Prezıdenttiń aıtýynsha, mundaı forýmnyń Qazaqstanda ótýi otandyq neırohırýrgıa jetistikteriniń keńinen moıyndalǵanyn kórsetedi. Sonymen qatar Memleket basshysy Kongres neırohırýrgıa salasyndaǵy halyqaralyq yntymaqtastyqty damytýǵa zor úles qosyp, ozyq tájirıbe men tehnologıa almasýǵa yqpal etetinine senim bildirdi.
"Ult saýlyǵy – kez kelgen eldiń qarqyndy damýynyń negizi. Sondyqtan densaýlyq saqtaý isin jan-jaqty órkendetý memlekettik saıasatymyzdyń negizgi basymdyǵy sanalady. Qazaqstan medısınalyq ınfraqurylymdy jańǵyrtýǵa, maman daıarlaýǵa, úderisterdi sıfrlandyrýǵa jáne atalǵan salaǵa ınovasıalyq ázirlemelerdi engizýge mol qarjy bóledi", – dedi Prezıdent.
Qasym-Jomart Toqaev Qazaqstan neırohırýrgıada jasandy ıntellektini qoldanýǵa aıryqsha mán beretinine nazar aýdardy. Sol arqyly medısınanyń joǵary tehnologıaly salalaryn belsendi damytýdy qolǵa alǵanyn jetkizdi. Onyń aıtýynsha, sıfrly jáne robotty tehnologıalardyń arqasynda otandyq neırohırýrgıa salasy órkendep keledi.