Almaty ákimi Erbolat Dosaev almatylyq pravoslav hrıstıandaryn Rojdestvo merekesimen quttyqtady. Qala basshysy bul kúnniń pravoslav hrıstıandary úshin eń mańyzdy ári jarqyn kúnderdiń biri ekenin atady, dep habarlaıdy aqshamnews.kz
«Tereń rýhanı maǵynaǵa toly bul mereke súıispenshilikti, meıirimdilikti jáne ıgiliktiń saltanat qurýyna degen senimdi bildiredi. Qoǵamdaǵy kelisim men tatýlyqtyń mańyzdylyǵyn, ózara qurmet pen yntymaqty nyǵaıtýdy eske salady», – delingen qala ákiminiń quttyqtaýynda.
Ákim Qazaqstannyń Pravoslav shirkeýi konfesıaaralyq kelisimdi damytýǵa jáne qoǵamdaǵy rýhanı qundylyqtardy nyǵaıtýǵa baǵa jetpes úles qosyp kele jatqanyn jetkizdi.
«Bul jarqyn Rojdestvo kúnderi barlyq pravoslav hrıstıanyna shyn júrekten shattyq, beıbitshilik jáne amandyq tileımin», – dedi Erbolat Dosaev.