Almatyda bıznes-qaýymdastyq ókilderiniń qala ákimi Erbolat Dosaevpen kezdesýi ótti.
Kezdesýge «Atameken» QR UKP prezıdıým tóraǵasy Raıymbek Batalov, qala kásipkerleri, salalyq qaýymdastyqtar ókilderi, quqyq qorǵaý jáne qadaǵalaý organdarynyń ókilderi qatysty, dep habarlaıdy Almaty-akshamy.kz
Búginde megapolıstiń shaǵyn jáne orta bıznesi qala ekonomıkasynyń jartysyna jýyǵyn (47,5%) quraıdy jáne qalalyq jumyspen qamtýdyń 65%-yn qamtamasyz etedi. Erbolat Dosaev sóziniń barysynda qalada iskerlik ahýaldy jaqsartý jáne SHOB-ty belsendi damytý ákimdik jumysynyń basty basymdyqtarynyń biri bolyp tabylatynyn atap ótti. «Almaty qalasyn 2025 jylǵa deıin damytý jáne 2030 jylǵa deıingi orta merzimdi perspektıvalar baǵdarlamasynyń» 7 negizgi baǵytynyń biri dál osy turaqty ekonomıkalyq ósý bolyp tabylady.
«Almatynyń bolashaqtaǵy damýynyń jetistigi men josparlarymyzdyń júzege asýy, eń aldymen, onyń ekonomıkasynyń turaqty ósýimen, turaqty qarjylyq tabystarmen jáne kásipkerlerimiz ben syrtqy ınvestorlar úshin jaıly iskerlik ahýalmen anyqtalatynyna nyq senimdimin», - dedi qala ákimi.
Erbolat Dosaev qala ákimdigi qalalyq bıznes-qoǵamdastyqtyń usynystary men tilekterin eskere otyryp, bıznesti júrgizý jaǵdaılaryn jaqsartý boıynsha turaqty jumys júrgizip jatqanyn atap ótti. Onlaın-qyzmetterdiń qoljetimdiligin arttyrý úshin almatybusiness.gov.kz veb-portaly iske asyryldy kásipkerliktiń sıfrlyq kartasyn damytý jalǵasýda, jańa nesıe ónimderi engizildi, paıyzdyq mólsherleme tómendedi jáne t.b. Jalpy SHOB damytý maqsatynda aǵymdaǵy jyly Almatyda memlekettik jáne qalalyq baǵdarlamalar boıynsha 47,6 mlrd teńge bólindi, 1,3 myńnan astam joba maquldandy.
Kezdesýge qatysýshylar Almatynyń geoaqparattyq kartasyn jetildirý, qorshaǵan ortaǵa emısıaǵa ruqsat berý, qoǵamdyq tamaqtaný kásiporyndaryn tekserý, jeke bilim berý salasyn damytý jáne t.b. máselelerdi kóterdi, barlyǵy 3 saǵatqa sozylǵan kezdesýge 180-nen astam bıznes ókilderi qatysty.
Kezdesý sońynda Erbolat Dosaev kezdesýge qatysqandardyń barlyǵyn aldaǵy Qala kúnimen quttyqtady, Almatynyń damýyna qosqan úlesteri úshin bıznes-qoǵamdastyq ókilderine alǵysyn bildirdi jáne osyndaı sharalardy turaqty negizde ótkizý jónindegi usynysty qoldady.
