21-23 qyrkúıekte Kongres-ortalyǵynda jáne EXPO halyqaralyq kórme ortalyǵynda Qazaqstan mashına jasaýshylarynyń X forýmy jáne Kazakhstan Machinery Fair 2022 mashına jasaý jáne metal óńdeý boıynsha II halyqaralyq mamandandyrylǵan kórme ótedi.
Forýmnyń taqyryby: «Qazaqstannyń mashına jasaý salasy: jańa zamannyń syn-tegeýrinderi». Forým Respýblıkasy Úkimetiniń qoldaýymen Qazaqstan mashına jasaýshylar odaǵy, Indýstrıa jáne ınfraqurylymdyq damý mınıstrliginiń qoldaýymen uıymdastyrylmaq, dep habarlaıdy Almaty-akshamy.kz.
Forým mashına jasaý salasynyń óńirlik jáne halyqaralyq kásiporyndary tap bolyp otyrǵan syn-tegeýrinderdiń keń aýqymyn sheshetin pikirtalas alańy retinde ózin tanytty, onyń sheńberinde ekonomıkany ártaraptandyrý, ımportty almastyrý jáne jańa ekonomıkalyq saıasat tetikteri talqylanýda.
Forým men kórmeni ótkizýdiń mándiligi men mańyzdylyǵyn olardyń nátıjeleri dáleldeıdi. 2021 jyly forým jumysyna Qazaqstan Respýblıkasynan, Germanıa Federatıvtik Respýblıkasynan, Italıa Respýblıkasynan, Avstrıa Respýblıkasynan, Lıtva Respýblıkasynan, Reseı Federasıasynan, Ýkraınadan, Ózbekstan Respýblıkasynan, Cheh Respýblıkasynan, Koreıa Respýblıkasynan jáne Túrkıa Respýblıkasynan 1 200-den astam delegat qatysty.
Sondaı-aq kórmege 200-ge jýyq otandyq jáne sheteldik, onyń ishinde álemge áıgili kompanıalar qatysty.