2024 jyldyń 29 maýsymy men 15 qyrkúıegi aralyǵynda Almaty qalasy Bostandyq aýdanynda Baıqadamov kóshesiniń boıynda - Gagarın dańǵylynan bastap Jarokov kóshesine deıingi aralyqta - kólik qozǵalysy shekteledi.
Gagarın dańǵylynan Jarokov kóshesine qaraıǵy shyǵys baǵytta avtokólik qozǵalysy jabylady, dep habarlaıdy Almaty-akshamy.kz
1984 jyldan beri paıdalanylyp kele jatqan, jalpy uzyndyǵy 1220 metr qubyrdyń atalǵan kóshe bóliginiń kólik joly bóliginiń astynan ótetin jańǵyrtý ýchaskeleriniń birinde josparly jumystardy júrgizý qaýipsizdigin qamtamasyz etý úshin ýaqytsha shekteýler engizilip otyr.
Bul qubyrjol 97 kóppáterli turǵyn úıdi, 12 jeke turǵyn úıdi, 4 balabaqshany, 2 densaýlyq saqtaý nysanyn jáne 27 basqa nysandy jylýmen jáne ystyq sýmen qamtamasyz etedi. Jańǵyrtý jumystary kezeńinde atalǵan tutynýshylar ystyq sýmen burynǵysynsha úzdiksiz qamtamasyz ete beriletin bolady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.
Ýaqytsha qolaısyzdyqtarǵa túsinistikpen qaraýlaryńyzdy jáne bul aýmaqty aınalyp ótý joldaryn aldyn ala qarastyrýlaryńyzdy suraımyz.