Almaty qalasynyń ákimdiginde Paralımpıada oıyndaryna qatysqan Kámılá Dosmalovaǵa qurmet kórsetildi.
Kámılá Dosmalova — para-taekvondodan halyqaralyq dárejedegi sport sheberi, ol Parıjde ótken XVII jazǵy Paralımpıada oıyndarynda besinshi orynǵa ıe boldy. Almaty ákiminiń orynbasary Beıbit Shahanov sportshy men onyń jeke jattyqtyrýshysy Ánýar Úsenovty quttyqtap, olardyń erik-jigeri men tabandylyǵy barshaǵa úlgi ekenin atap ótti.
Kezdesý barysynda Beıbit Shahanov Premer-Mınıstr Oljas Bektenovtyń atynan Kámılá Dosmalova men onyń jattyqtyrýshysyna alǵys hattar tabys etti.
Sondaı-aq, ákimniń orynbasary Kámılá Dosmalovaǵa 2 mıllıon teńgelik aqshalaı sertıfıkat, al onyń jattyqtyrýshysy Ánýar Úsenovke 1,5 mıllıon teńgelik sertıfıkat syılady. Sonymen qatar, sportshyǵa qyzmettik baspana berildi.
«Barlyq qazaqstandyqtarǵa jáne Almaty ákimdigine qoldaý kórsetkenderi úshin úlken alǵysymdy bildiremin. Bul qoldaý meniń bolashaq jetistikterimniń negizi bolady», — dedi Kámılá Dosmalova.
Aıta keteıik, ótken Paralımpıada oıyndarynda Qazaqstan quramasy rekordtyq toǵyz medal jeńip aldy, onyń ishinde 2 altyn, 3 kúmis jáne 4 qola medal bar.