Máslıhat sesıasynda qala ákimi Erbolat Dosaevtyń qatysýymen Almatynyń qalasynyń 2023-2025 jyldarǵa arnalǵan búdjet jobasy qaraldy.
Onyń barysynda qala qaýipsizdigi de sóz boldy, dep habarlaıdy Almaty-akshamy.kz.
«Jumysymyzdyń mańyzdy baǵyty qaýipsizdikti qamtamasyz etý jáne quqyq buzýshylyq táýekelderin azaıtý bolyp tabylady. Memleket basshysy Alataý aýdanynda pılottyq rejımde ashylǵan polısıanyń servıstik ortalyǵynyń jumysyna oń baǵa berdi. Nátıjesin eskere otyryp, biz basqa 7 aýdanda da osyndaı ortalyqtar ashýdy josparlap otyrmyz (1,1 mlrd teńge)», - dedi qala ákimi E.Dosaev.
Seısmıkalyq qaýipti eskere otyryp, 17 seısmıkalyq stansıa ornatý arqyly halyqqa jaqyndap kele jatqan jer silkinisteri týraly erte habarlaý júıesin engizý jumysy jalǵasady, oǵan 597 mln. teńge kózdeledi.
Kóshe jaryǵy – qoǵamdyq qaýipsizdik salasyndaǵy strategıalyq mańyzdy baǵyt.
Qazir qala kósheleri men aýlalardyń 20%-inde jaryq joq, al shamdardyń 1/3 (úshten bir) bóliginiń sapasy tómen.
Osy máseleni sheshý úshin jyl sońyna deıin Almaty qalasynyń ákimdigi buryn jaryǵy bolmaǵan 511 ýchaskede jaryq júrgizýdi aıaqtaıdy. Bul jumysty jalǵastyrý úshin 2023 jylǵa 550 ýchaske jáne 5,5 mlrd. teńge josparlanǵan.