- Balalar men jasóspirimderge arnalǵan shyǵarmashylyq úıirmeler men sport seksıalaryn jan basyna qarjylandyrý máselesi qala turǵyndaryn qatty tolǵandyrady. 2022 jyl basynan beri 19 mlrd. teńge bólinip, 70 myń balany qamtýǵa múmkindik berdi, - dedi E.Dosaev máslıhat sesıasynda.
"Alaıda, ózderińiz biletindeı, baǵdarlamany iske asyrý prosesinde ákimdik artsport.edu.kz platformasyndaǵy jan basyna shaqqandaǵy qarjylandyrýdyń jete pysyqtalmaýynan týyndaǵan kúrdeli problemalarǵa tap boldy. Memlekettik derekter bazasymen ıntegrasıalanbaǵan, balalar men jetkizýshilerdiń jeke basyn durys sáıkestendirý múmkin emes, balanyń zańdy ókili tabeldi toltyrýda elektrondyq sıfrlyq qoltańbany paıdalanbaǵan jáne taǵy basqa máseleler" - dedi qala ákimi.
2023 jyldyń 1-shi qańtarynan bastap ákimdikterge baǵdarlamany iske asyrý úshin platformany óz betinshe tańdaýǵa múmkindik beretin ózgerister kúshine enedi. Osyǵan baılanysty, qoldanystaǵy problemalardy eskere otyryp, normatıvtik qujattarǵa sáıkes kelesi jylǵa arnalǵan platformany irikteý talaptaryn daıyndaldy.
Jalpy, 2023 jylǵy búdjette shyǵarmashylyq úıirmeler men sport seksıalaryn jan basyna qarjylandyrý baǵdarlamasyna 16,2 mlrd. teńge kózdelgen. Bul shamamen 70 myń balany qamtýǵa múmkindik beredi.
2023 jyly jalpy somasy 3,1 mlrd. teńgege Naýryzbaı aýdanynyń "Shuǵyla" shaǵynaýdanynda jáne Alataý aýdanynyń "Nurkent" shaǵynaýdanynda árqaısysy 675 oryndyq ınovasıalyq shyǵarmashylyq ortalyqtardyń qurylysyn aıaqtaýdy josparlap otyr (2023 j. aqpanda paıdalanýǵa berý).