QR İİM M.Esbolatov atyndaǵy Almaty akademıasynyń bastyǵy Aıdar Saıtbekov Pavlodarda kadettermen kezdesti.
Almaty akademıasynyń bastyǵy Aıdar Saıtbekovpen kezdesý ofıser bolýdy armandaıtyn mektep oqýshylarynyń shynaıy qyzyǵýshylyǵyn týdyrdy, dep habarlaıdy Almaty-akshamy.kz Polisia.kz-ke silteme jasap.
Qabanbaı batyr atyndaǵy “Jas Sarbaz” mamandandyrylǵan mektep-ınternatynyń oqýshylary qyzmetke baılanysty óz josparlarymen bólisti. Vedimistik oqý ornynyń bastyǵy akademıaǵa túsý sharttary týraly aıtyp, irikteýdiń negizgi krıterııi kandıdattardyń jeke qasıetteri ekenin atap ótti. Tártip, jaýapkershilik jáne mindet – ofıserler qataryna qosylýǵa ǵana emes, sonymen qatar joǵary basshylyq quramǵa deıin tabysty ósýge kómektesetin qasıetter.
«Maǵan sizderdiń boılaryńyzdaǵy patrıottyq sezim men pogondaǵy mamandyqqa degen qurmetterińiz unaıdy. Sizderdiń bireýlerińiz polısıa qyzmetkeri, bireýińiz áskerı qyzmetker nemese TJ qyzmetkeri bolasyzdar. Ár sala bolǵanymen, maqsattaryńyz bir bolmaq. Kadet qatarynan ótkennen keıin sizderdiń ofıserlerdiń jolyn abyroımen jalǵastyratyndyqtaryńyzǵa senimim mol», – dedi akademıa bastyǵy.
Sondaı-aq akademıa bastyǵy Pavlodar qalasynyń QR İİM QAJK oqý ortalyǵynda boldy. Onda bastapqy daıarlyq tyńdaýshylary oqıdy. Al Toraighyrov University-de profesor Saıtbekovtiń dárisi ótti. Saıası ǵylym doktory sıfrlandyrý jaǵdaıynda quqyqtyq aǵartý jáne quqyq buzýshylyqtardyń aldyn alý taqyrybyn kóterdi. Bolashaq zańgerler alǵan aqparattyń mańyzdylyǵyn atap ótti.
İİM Almaty akademıasynda kıberqylmysqa qarsy is-qımyl boıynsha mamandardy oqytýǵa arnalǵan IT-alań belsendi damyp keletinin atap ótti. Bul kıberpolıgon, kıberlaboratorıa, olar jańa sıfrlyq resýrstardy paıdalana otyryp, ártúrli qylmys pen quqyq buzýshylyqtarǵa tıimdi qarsy turýǵa múmkindik beredi.