Jyl sońyna deıin 5 shetel anımasıalyq fılmi qazaq tiline aýdarylyp kórermenderge jol tartady.
Bul týraly Mádenıet jáne aqparat mınıstri Aıda Balaeva málim etedi, dep habarlaıdy Almaty-akshamy.kz Qazaqparatqa silteme jasap.
«Dýbláj boıynsha jumys júrgizilip jatyr. Múltfılmder aýdarmasy jáne dýbláj Kınony qoldaý ortalyǵynyń baıqaýy arqyly ótedi. Biz osy jyly birneshe ret konkýrs jarıaladyq, ókinishke qaraı, kompanıalar halyqaralyq krıterıılerge sáıkes kelmeıdi. Ótken senbide osy ındýstrıa ókilderimen kezdestim. Osy oraıda zańǵa ózgeris engizý máselesin pysyqtap jatyrmyz. Qazir biz kınony qoldaý ortalyǵy arqyly 5 kompanıa shetel balalar anımasıalyq fılmderin qazaq tiline aýdaryp jatyr», - dedi Aıda Balaeva ortalyq komýnıkasıalar qyzmeti alańynda ótken baspasóz máslıhatynda.
Mınıstrdiń málimdeýinshe, kóptegen dýbláj kompanıalarynyń naqty sertıfıkaty joq.
«Qazir júrgizilgen kelissózder barysynda osy máseleni sheshetin birneshe kompanıa tabyldy. Jyl sońyna deıin 5 anımasıalyq fılm prokatqa shyǵady», - deıdi ol.