Telegram messendjerinde jańa múmkindik – stories iske qosyldy. Ol ekrannyń joǵarǵy jaǵynda ornalasqan jáne tek premıým jazylymynyń ıelerine ǵana qoljetimdi, dep habarlaıdy Almaty-akshamy.kz Zakon.kz-ke silteme jasap.
Tamyz aıynan bastap bul múmkindik barlyǵyna qoljetimdi bolady. Ázirshe adamdar basqa akkaýntqa jazylmasa da, olardyń ıstorıasyn kóre alady.
Stories jarıalaý úshin qoldanbanyń joǵarǵy jolaǵynda – «Habar jazý» túımesiniń janyndaǵy belgisheni basý kerek. Ol barlyq paıdalanýshyǵa, barlyq kontaktige nemese aldyn ala tańdalǵan kontaktige nemese «jaqyn dostarǵa» qol jetimdi bolýy múmkin.
Foto men vıdeony óńdep, ásemdep, onyń qoljetimdi bolý uzaqtyǵyn – 6, 12, 24 nemese 48 saǵat dep belgilep, jarıalaýǵa bolady.
26 maýsymda Telegram negizin qalaýshy Pavel Dýrov maýsym aıynyń sońynda jańa fýnksıa paıda bolatyny týraly habarlady. Sodan keıin ol paıdalanýshylar ár stories-ti kim kóre alatynyn anyqtaı alatynyn atap ótti: barlyǵy, tek kontaktiler, birneshe tańdalǵan kontaktiler nemese jaqyn dostar.
Buǵan deıin WhatsApp kontaktilerdi saqtamaýǵa múmkindik beretin fýnksıany engizgen edi.