Qazaqstandyq seısmologtar Almaty aımaǵynda jeti baldyq joıqyn jer silkinisiniń yqtımal qaýpin baǵalady.
Elimizdiń ońtústik jáne ońtústik-shyǵys bólikteri seısmıkalyq qaýipti aımaqta ornalasqan. Ásirese, Almaty aýmaǵy. Óıtkeni munda 1887 jáne 1911 jyldary kúshti jer silkinisi bolǵan. Qazirgi tańda megapolıste dúmpýdiń ortasha merzimi boıynsha qorytyndy ázirlendi, dep habarlaıdy Almaty-akshamy.kz.
Kartaǵa sáıkes, jer silkinisiniń boljamy jasaldy. Sondaı-aq, seısmologıa ınstıtýtynyń mamandary Túrkıanyń Anadoly taýly aımaǵyna qatysty da pikir bildirdi. Joıqyn jer silkinisi bolǵan jer planetadaǵy eń belsendi jáne seısmıkalyq qaýipti aımaqtardyń biri. Onda kúshti jer silkinisi buryn da bolǵan.
«Álemdik ádisterdi qoldaný arqyly esepteý jasaımyz. Qazir búkil álemde jer silkinisiniń dál ýaqytyn, qandaı kúshpen bolatynyn anyqtaıtyn aspap joq. Osy jylǵa jasalǵan boljam boıynsha qarqyndylyǵy jeti baldan aspaıtyn jer silkinisi joq dep aıta alamyz», - deıdi «Seısmologıa ınstıtýty» JSHS ǵylymı qyzmetkeri Aqkenje Seıilhanova.