Al Astana, Almaty jáne Shymkent qalalarynda bul kórsetkish odan da joǵary – 86%.
Ol úshin el boıynsha 18 myńnan astam stasıonarlyq kamera qoldanylady, dep habarlaıdy Almaty-akshamy.kz
İİM polısıa qyzmetin tolyǵymen sıfrlandyrmaq. Kúndelikti polısıa qyzmetinde zamanaýı tehnologıalardy keńinen qoldaný - Memleket basshysynyń ishki ister organdarynyń aldyna qoıǵan basty mindetteriniń biri.
Bul quqyq buzýshylyqtardyń aldyn alýǵa jáne qylmystardy jedel ashýǵa múmkindik beredi.
Qala syrtyndaǵy joldardy baqylaýdy patrúldik avtokólikterde ornatylǵan avtomatty baǵdarlamalyq keshender júrgizedi. Búgingi tańda búkil Qazaqstan boıynsha osyndaı 60 jyljymaly qurylǵy jumys isteıdi. Jol júrisi qaǵıdalaryn "qasaqana buzýshylardy" jáne "qaýipti júrgizýshilerdi" anyqtaý úshin İİM ótken jyly "Qorǵaý" baǵdarlamasyn iske qosty. Onyń kómegimen jalǵan nómirli, saqtandyrýy joq, izdeýde júrgen avtokólikterdi, sondaı-aq júrgizý quqyǵynan aıyrylǵan, jol qozǵalysy erejelerin júıeli túrde buzatyn jáne aıyppul tólemeıtin júrgizýshilerdi anyqtaýǵa bolady. Quqyq buzýshy týraly barlyq aqparat kameralardan Jedel basqarý ortalyǵynyń operatoryna jáne jaqyn mańdaǵy patrúldik polısıa qyzmetkeriniń planshetine jiberiledi. Iaǵnı, burynǵydaı barlyq kólikterdi qatarynan toqtatýdyń qajeti joq, óıtkeni júıeniń ózi polısıaǵa júrgizýshilerdiń qaısysy jolda "qaýipti" ekenin kórsetedi.
Sıfrlyq tehnologıalardyń arqasynda polıseıler qoǵamdyq qaýipsizdikti qorǵaýǵa kóbirek qatysady jáne quqyq buzýshylyqtarǵa qarsy saqtyq sharalaryn qabyldaıdy.
Tártip saqshylarynyń ózderin tehnıkalyq turǵydan jaraqtandyrý da belsendi júrgizilýde. Búgingi tańda árbir patrúldik qyzmetker jeke beınejetonmen jabdyqtalǵan. Al Astana, Almaty jáne Petropavlda beınejetondar arnaıy zamanaýı mobıldi beınekeshenderge aýystyryldy. Mundaı "smartjetondardy" paıdalaný: beıneni nemese dybysty óz betinshe óshirýdi boldyrmaýǵa; onlaın rejıminde jaǵdaıdy kórý úshin qashyqtan qosylýdy júzege asyrýǵa; JBO ofıserleri men basshyǵa qyzmetkerdiń naqty ornalasqan jerin jáne patrúldiń marshrýttan aýytqyp ketpeýin qadaǵalaýǵa múmkindik beredi.
Sıfrlyq tehnologıalar polısıa qyzmetkerleriniń jumys tıimdiligin arttyryp, sybaılas jemqorlyq táýekelderin azaıtady. Mysaly, 3 aqpanda Qaraǵandy oblysy polısıa departamentiniń ózindik qaýipsizdik qyzmetkerleri patrúldik polıseıge para berý faktisi boıynsha is qozǵady. Jol qozǵalysy erejelerin buzǵan júrgizýshi hattama toltyrmaý úshin qyzmetkerge para bergisi kelgen. 5 aqpanda atalmysh oblystyń Shet aýdanynda osyndaı fakt toqtatyldy. Qarsy jolaqqa shyqqan júrgizýshi patrúl qyzmetkerine aqsha usynǵan. İs boıynsha tergeý júrgizilýde.
İİM sıfrlyq sheshimderdi paıdalaný azamattardyń qaýipsizdigin qamtamasyz etý boıynsha polısıa jumysynyń tıimdiligin arttyryp qana qoımaı, sonymen birge jalpy ishki ister organdarynyń qyzmetindegi sybaılas jemqorlyq táýekelderin aıtarlyqtaı tómendetedi dep sanaıdy.