Chaıkovskıı jáne Maqataev kósheleriniń aýlaishilik aýmaqtarynda (900 abonent) 1,5 shaqyrym sý qubyry jelisi jóndeldi.
Sondaı-aq Brýno, Rahmanınov, 2-shi Qastek jáne Mońǵol kóshelerinde (300 abonent) 2 shaqyrym káriz jelisi salynýda. Bul týraly qala ákimi E.Dosaev Almaly aýdany turǵyndarymen kezdesýinde málimdedi, dep habarlaıdy Almaty-akshamy.kz.
3,5 shaqyrym sý qubyry (7 ýchaske) jáne 1,2 shaqyrym jylý jelisin (Baıtursynov – Tóle bı – Naýryzbaı batyr – Bógenbaı batyr kóshelerinde) jóndelip, Esentaı jáne Qojamqulov kóshelerinde jalpy uzyndyǵy 800 m bolatyn káriz jelisiniń qurylysy jalǵasýda.
Sonymen qatar «Panorama» turǵyn úı kesheninde jáne Áıtıev kóshesindegi 12 úıde kanalızasıa jáne sý qubyrynyń sorǵy stansıalaryn rekonstrýksıalaý jumystary júrgizilýde. Eskererlik jaıt, jumystar osy jyldyń qarasha aıynyń sońyna deıin aıaqtalmaq. Osy maqsattarǵa qala ákiminiń sheshimimmen aýdan ákimdigine rezervten 353,4 mln. teńge bólindi.
Injenerlik ınfraqurylym boıynsha joǵaryda atalǵan barlyq jumystar Almaly aýdanynyń 90 myńnan astam turǵyny úshin komýnaldyq qyzmetterdiń sapasyn jaqsartpaq.