Kóshe jaryǵynyń qazirgi jaǵdaıyna qatysty turǵyndardan kóp suraq kelip túsýde.
Bul týraly qala ákimi Erbolat Dosaev Almaly aýdany turǵyndarymen ótken kezdesýinde aıtty, dep habarlaıdy Almaty-akshamy.kz.
«Jaryqtyń jıi óshýi, irkilister, kelip túsken ótinimderdi oryndaý jyldamdyǵyna qanaǵattanbaý oryn alýda. Atap aıtqanda, Almaly aýdany boıynsha kútý ýaqyty 2 aıǵa deıin jetken, al qyzmet kórsetý uıymy tek 1 avarıalyq brıgadany qyzmetke tartqan», - dedi qala basshysy E.Dosaev.
1 tamyzdan bastap aýdan «AlmatyQalaJaryq» aksıonerlik qoǵamymen aýdannyń kóshe jaryǵyna qyzmet kórsetý boıynsha derbes shart jasasty, atalǵan kompanıa ótken aıda jumysyn qarqyndatyp, turǵyndardyń 50-den astam ótinimin oryndady (21 avarıalyq, 30 aýla jaryǵy), Tóle bı (46%-ke aıaqtaldy, merzimi - 15 qyrkúıekke deıin), Gogol (58%, qyrkúıek aıynyń sońyna deıin) kóshelerinde, Abaı dańǵylynda (jumys bastaldy, qyrkúıek aıynyń sońyna deıin aıaqtalady) jaryqtandyrýdy qalpyna keltirý jumystaryn júrgizdi. Avarıalar kezinde 7 brıgada kún saıyn shyǵyp, ótinimderdi oryndaý ýaqyty 5 kúnge deıin qysqardy.