Almatynyń Almaly aýdanynda elektr jelilerin jańartý úshin qandaı jumystar qolǵa alyndy
Almaty ákimi Erbolat Dosaev Almaly aýdanynyń turǵyndarymen kezdesýde elektr jelilerin qaıta qurýdyń nátıjesi men josparyn aıtty, dep habarlaıdy aqshamnews.kz
Qala basshysy búginde aýdannyń elektr jelileriniń 60%-dan astamy tozǵanyn atap ótti. Bul turaqty túrde apattyq óshýge ákeledi. Aıta ketý kerek, byltyr aýdannyń elektr jelileriniń tozýy 20%-ǵa tómendedi. 2023 jyly tozý deńgeıi 80% bolǵan.
- Bıyl «AJK» AQ Raıymbek – Naýryzbaı batyr – Mámetova – Seıfýllın kósheleriniń aýmaǵynda 1,3 km elektr berý jelilerin qaıta jańartyldy.
- Sondaı-aq, Jambyl – Áýezov – Abaı – Rozybakıev kósheleriniń aýmaǵynda taǵy 6,4 km elektrmen jabdyqtaý jelilerin qaıta jańartylyp, salynyp jatyr. Jumysty osy jyldyń qazan aıynyń sońyna deıin aıaqtaý josparlanyp otyr.
- Bıyl sapaly kóshe jaryǵymen qamtamasyz etý úshin 38 kóshede 21 km eski kabel jelileri jańǵyrtylyp, 2,5 myńnan astam sham aýystyryldy.
2024 jyldyń sońyna deıin taǵy 2,4 myń shamdy jańǵyrtyp, 19 km kabel jelisin aýystyrý josparlanǵan. 2024 jyly aýdannyń syrtqy jaryqtandyrýyn jańǵyrtýǵa jáne ony kútip-ustaýǵa 1,3 mlrd teńge bólindi.
Almatyda barlyǵy 4,8 myń km syrtqy jaryqtandyrý jelileri bar. 2024 jyly sapaly jaryqtandyrýdy qamtamasyz etýge aýdan ákimdigi 9,9 mlrd teńge bólgen. Qabyldanyp jatqan sharalardyń arqasynda megapolıste sapaly syrtqy jaryqtandyrýmen qamtamasyz etý 2024 jyly 85%-ǵa jáne 2025 jyly 100%-ǵa jetedi.