Almatyda Túrkebaev kóshesinde 30 jyl boıy paıdalanylǵan magıstraldyq jelilerdi qaıta jańartý aıaqtalyp keledi
Almaty ákimi Erbolat Dosaev Almaly aýdanynyń turǵyndarymen kezdesýde ınjenerlik jelilerdi jańǵyrtý boıynsha júrgizilip jatqan jumystarǵa toqtaldy, dep habarlaıdy aqshamnews.kz
- Jyl basynan beri aýdannyń 10 kóshesinde 3,5 km sýmen jabdyqtaý jáne sý burý jelileri jańartyldy. Bıyl qarashaǵa deıin uzyndyǵy 5,3 km bolatyn taǵy 11 kóshede jumysty aıaqtaý josparlanǵan. Joba aýdannyń 770 úıi men 4,5 myń turǵynyn qamtıdy.
- Qala basshysynyń tapsyrmasymen bıyl tamyz aıynda Tóle bı kóshesi, 280 mekenjaıy boıynsha sorǵy beketin qaıta jańartý bastaldy. Bul jumys osy jyldyń qazan aıynda bitedi dep josparlanyp otyr, sonyń nátıjesinde 1,5 myń abonent sapaly sýmen qamtamasyz etiledi.
- Aýdannyń 2,6 myń turǵynyn jylýmen sapaly qamtamasyz etý úshin Túrkebaev kóshesinde 30 jyldan astam paıdalanylǵan magıstraldyq jelilerdi qaıta jańartý jumystary qolǵa alyndy. Jumys jylytý maýsymy bastalǵanǵa deıin aıaqtalady.
Bıyl Almatyda jalpy uzyndyǵy 20 km bolatyn 23 nysandy qaıta jańartý kózdelgen, bul jyl saıynǵy kórsetkishten eki ese kóp. Bul jylý shyǵynyn, sondaı-aq jelilerdiń tozýyn shamamen 1,8% tómendetýge múmkindik beredi. Osy jyly Almatyda jylýmen jabdyqtaý jelileri 57,9% tozǵan.