Qyrkúıek aıynyń sońyna deıin Almaly aýdanynda 4 podstansıa qaıta jańartylyp, 8,5 shaqyrym elektr jelileri jańǵyrtylady.
Bul týraly Almaty ákimi Erbolat Dosaev halyqpen kezdesý barysynda málimdedi, dep habarlaıdy Almaty-akshamy.kz.
Qala basshysy elektrmen jabdyqtaý máselesi Almaly aýdanynyń turǵyndary úshin basty máselelerdiń biri ekenin atap ótti. Bıyl jyl basynan beri komýnaldyq qyzmetter 215 apatty tirkedi. Bul rette elektr jelileriniń 81%-y- tozǵan. Bul máseleni sheshý úshin bıyl jyl basynan beri «Alataý jaryq kompanıasy» AQ kompanıasy 17 qosalqy stansıany modernızasıalaý jáne 41,5 shaqyrym tozǵan elektr kabel jelilerin aýystyrý jumystaryn júrgizdi. Sonymen qatar, «Jibek Joly» jaıaý júrginshiler kóshelerine kabel tóseý jumystary júrgizilip jatyr. Bul 17 qyrkúıekke deıin aıaqtalady. Júrgizilip jatqan jumystar Almaly aýdanyndaǵy elektr jelileriniń jumysyn turaqtandyryp qana qoımaı, rezervtik qýattylyqty 6-dan 10 kVt-qa deıin arttyrady.