Osyǵan qaramastan, tapshylyqty odan ári azaıtý úshin mektepter men qosymsha ǵımarattar salý boıynsha josparly jumys iske asyrylýda.
Bul týraly Almaty ákimi Erbolat Dosaevtyń Almaly aýdany turǵyndarymen ótken kezdesýinde málim boldy, dep habarlaıdy Almaty-akshamy.kz.
«Jaıly mektep» ulttyq jobasy aıasynda Memleket basshysynyń tapsyrmasy boıynsha Almaly aýdanynda 2024 jyldyń IV-shi toqsanynda qurylys-montajdaý jumystaryn aıaqtaı otyryp, Raıymbek dańǵyly Áýezov kóshesiniń qıylysynda 1,5 myń oryndyq jańa mektep salynady.
Sondaı-aq ákimdik №16 mektepke 300 oryndyq qosymsha qurylys salýǵa jáne №58 mektepke sport jáne akt zaldaryn salýǵa jobalaý-smetalyq qujattama ázirleýde, osy jyldyń IV-shi toqsanynda saraptamasy shyǵady. Qurylys-montajdaý jumystaryn bastaýdyń boljamdy merzimi - 2024 jylǵy sáýir aıy (konkýrstyq rásimderdi eskere otyryp).
2024 jyldyń I-shi toqsanynda Jarokov kóshesindegi №134 jáne 135 mektep ǵımarattaryn kúrdeli jóndeýden ótkize otyryp, seısmıkalyq kúsheıtý boıynsha memlekettik saraptama qorytyndysy daıyn bolady dep kútilýde. Qurylys-montajdaý jumystaryn bastaýdyń boljamdy merzimi - 2024 jylǵy mamyr aıy.
№134 mektep ǵımaratynyń jartysynda (Jarokov kóshesi, 24 úı) basqa zańdy mekenjaıy bar №135 mektep (Klochkov kóshesi, 49 úı) ornalasqan. Mektepterdi kedergisiz jobalaý men biriktirýdi qamtamasyz etý maqsatynda Almaty qalasy ákimdiginiń 2023 jylǵy 26 shildedegi №3/410 qaýlysymen № 135 mektep ǵımaraty №134 mektep ǵımaratynyń komýnaldyq menshigine berildi.
Bıylǵy jyldyń qarasha aıynda №136 mektep-gımnazıany kúrdeli jóndeı otyryp seısmıkalyq kúsheıtý boıynsha qurylys-montajdaý jumystaryn (konkýrstyq rásimderden keıin) bastaý josparlanǵan. Jumystar 2024 jyldyń tamyz aıynda aıaqtalady (1 myń oqýshy №124, 128 mektepterde ornalastyrylady).
Mektepke deıingi bilim berý salasynda osy jyldyń basynan beri jeke kásipkerler 165 oryndyq 4 balabaqsha ashty.
Osy jyldyń jeltoqsan aıynda Máýlenov kóshesi, 57 mekenjaıynda jalǵa alýdan keri qaıtarylǵan balabaqsha ǵımaratyn (jobalyq qýaty – 145 oryn) kúrdeli jóndeı otyryp, seısmıkalyq kúsheıtýge jobalaý-smetalyq qujattama saraptamasynyń qorytyndysy alynady. Jumystardy kelesi jyldyń naýryz aıynda bastaý josparlanýda (konkýrstyq rásimder ótkizilgennen keıin).
Sondaı-aq, №20 jáne 10 balabaqshalardy rekonstrýksıalaý josparlanyp otyr.
Anyqtama úshin: № 20 balabashqa – memlekettik saraptamasy osy jyldyń sońy, qurylys-montajdaý jumystarynyń bastalýy - 2024 jylǵy naýryz; № 10 balabaqsha memlekettik saraptamasy - I toqsan, qurylys-montajdaý jumystarynyń bastalýy - 2024 jylǵy maýsym.
Rekonstrýksıalaý balabaqshalardyń qýatyn arttyrýsyz josparlanǵan. Ǵımarattardy rekonstrýksıalaý sheńberinde – aýmaqty abattandyrý, úı-jaılardy qaıta josparlaý, kúrdeli jóndeý, tirek konstrýksıalaryn kúsheıtý, ınjenerlik jelilerdi aýystyrý kózdelgen.
Merzimderdiń ózgerý sebepteri:
- Máýlenov kóshesindegi balabaqsha boıynsha: saraptamadan ótý kezinde josparlaý sheshimderiniń ózgerýine baılanysty shart buzyldy. Joba 2023 jyldyń 10 qyrkúıegine deıin saraptama portalyna qaıta júkteledi. Qorytyndynyń boljamdy shyǵýy - 2023 jylǵy jeltoqsan aıy.
- №10 balabaqsha boıynsha: shilde aıynyń basynda Qurylys basqarmasy sharttyq mindettemelerdi oryndamaǵany úshin «BS Archi Group» JSHS jobalaý uıymymen shartty birjaqty tártippen buzdy. Osydan keıin jobalaý-smetalyq qujattamany ázirleýge konkýrs qaıta jarıalandy. Jobalaýdyń bastalýy- 2023 jylǵy qyrkúıek aıy. Memlekettik saraptamany ala otyryp, jobalaýdyń aıaqtalýy - 2024 jylǵy naýryz aıy.
Sondaı-aq osy jyldyń naýryz aıynda Tastaq shaǵyn aýdanyndaǵy burynǵy balabaqsha ǵımaraty Almaly aýdanyna qaıtaryldy jáne qala ákimdigi osy jyldyń shilde aıynan bastap qoldanystaǵy qurylystardy buza otyryp, 300 oryndyq balabaqsha salýǵa jobalaý-smetalyq qujattamany ázirleýde (saraptamanyń shyǵýy - 2024 jyldyń I toqsany).
Qazan aıynda № 43 bóbekjaı-balabaqsha ǵımaratyn rekonstrýksıalaýǵa jobalaý-smetalyq qujattamany ázirleý bastalady (saraptamanyń shyǵýy - 2024 jylǵy III toqsan). Sondaı-aq bıyl aýdandyq ákimdik 4 balabaqshaǵa (№ 9,14,93, 182) aǵymdaǵy jóndeý jumystaryn júrgizedi
3 jastan 6 jasqa deıingi tapshylyq 2 110 balany quraıdy.