Almaly aýdanynyń toǵyz mektebinde oryn tapshylyǵy baıqalady
Aýdanda barlyǵy 29 memlekettik mektep bar, olardyń toǵyzynda ǵana oqýshy orny jetispeıdi. Bul týraly Almatydaǵy Almaly aýdanynyń ákimi Erjan Seıtenov Óńirlik komýnıkasıalar qyzmetiniń baspasóz konferensıasynda málimdedi, dep habarlaıdy Almaty-akshamy.kz
«Bıyl №144 mektep-gımnazıaǵa 300 oryndyq japsarjaı qurylysynyń, №34 gımnazıanyń 600 oryndyq qosalqy nysanynyń qurylysy aıaqtalǵan kezde oryn tapshylyǵy azaıady», - dep habarlady aýdan ákimi.
Aýdanda №54 mektep ǵımaratynyń seısmoturaqtylyǵyn kúsheıtý boıynsha kúrdeli jóndeý aıaqtaldy, №128, 95 jáne 144 mektepterde salynǵan sport keshenderi jumys isteıdi.
№90,67,34 mektepterdegi sport alańdaryn jańǵyrtý boıynsha jumystar jalǵastyryldy. Jyl sońyna deıin №16 balabaqsha ǵımaratyn seısmıkalyq nyǵaıtý boıynsha kúrdeli jóndeýdi aıaqtaý josparlanýda, sondaı-aq №7 balabaqshaǵa kúrdeli jóndeý júrgizilýde. Bıyl aýdanda eki jekemenshik balabaqsha ashyldy.