Óńirlik komýnıkasıalar qyzmetinde Túrksib aýdanynyń ákimi Baqytjan Aqjarov qatysqan baspasóz konferensıasy bolyp ótti. Onda aýdan ákimi jol ınfraqurylymyn jaqsartý jumysy týraly, sonyń ishinde joldy qalaı jóndep, asfált pen trotýardy qalaı jańartyp jatqandaryn aıtyp berdi, dep habarlaıdy aqshamnews.kz
2024 jyly aýdan boıynsha 38 kósheniń 39,6 shaqyrymy jóndelgen. Sonymen qatar, 20 000 sharshy metrden astam asfált jabyny qalpyna keltirilipti. Turǵyn úı qurylysy men kóshe jelisiniń keńeıgenin eskere otyryp, 13 jerde 13 shaqyrym jańa jol salynyp, 200 lúk ornatylǵan.
Qazan aıynyń sońyna deıin 35 kósheniń 43,8 shaqyrymy jóndelip, bıyl 27 000 sharshy metrden astam asfált jabyny qalpyna keltirildi. 19 kóshede 3,5 shaqyrym jańa jol salý josparlanyp otyr. Sonymen qatar, taǵy 200 lúk ornatylady, onyń 34-in osy ýaqytqa deıin ornatyp qoıǵan.
2024 jyly aýdan boıynsha 6 kóshede 11 shaqyrym trotýar salynyp, jóndelgen. Bıyl da jumys jalǵasady, 7 kóshede 4 shaqyrym trotýar salý josparlanyp otyr, onyń 2 shaqyrymy álden aıaqtalypty.
«Sonymen qatar, qazir 4 negizgi kósheniń boıynda 10 shaqyrymnan astam tehnıkalyq trotýar salynyp jatyr. Bular tek estetıkalyq kórinisin jaqsartyp qoımaı, sonymen birge kósheni tazalaý kezinde jasyl-jelekti hımıalyq reagentterden qorǵaýǵa kómektesedi», - dedi Baqytjan Aqjarov.
Óz baıandamasynda aýdan ákimi qoǵamdyq kólikke qatysty is-sharalardy da atap ótti. Ótken jyly 10 baǵyttaǵy avtobýs parki jańarǵan, Nurshashqan shaǵyn aýdanynda №91 baǵyt iske qosyldy. 2025 jyly taǵy 4 baǵyt boıynsha qyzmet kórsetý kúsheıtilip, «Mektep avtobýsy» jobasyn keńeıtý josparlanǵan, osy joba boıynsha qazirdiń ózinde 42 avtobýs jumys isteıdi.
Qoǵamdyq jáne jol qaýipsizdigin qamtamasyz etý maqsatynda ótken jyly 690 beınebaqylaý kamerasy (240 oryn) jáne 32 «Sergek» kesheni (160 kamera) ornatyldy. Osylaısha, qazirgi ýaqytta aýdan boıynsha 2028 «SVM» jáne «Sergek» kamerasy jumys isteıdi, taǵy 700 kamera ornatylmaq.