Bostandyq aýdanynda jańa «Almagúl» qosalqy stansıasyna 4,8 km elektrmen jabdyqtaý jelisi tartyldy. Ony shilde aıynyń sońynda iske qosý josparlanǵan. Bul týraly Almaty qalasynyń ákimi E.Dosaev Bostandyq aýdanynyń turǵyndarymen kezdesýinde aıtty, dep habarlaıdy Almaty-akshamy.kz.
Bul shamamen 200 myń tutynýshyny elektr energıasymen úzdiksiz qamtamasyz etedi. Bul týraly Almaty ákimi Erbolat Dosaev halyqpen kezdesýde málimdedi. «Alataý Jaryq Kompanıasy» aksıonerlik qoǵamynyń jelisi boıynsha shilde aıynda 77,5 km joǵary vóltty elektr kabel jelilerin, 98 dana transformatorlyq stansıalar men taratý pýnktterin aǵymdaǵy jáne kúrdeli jóndeý jumystary bastaldy. Sonymen qatar, 1,5 km kabeldik jeliler aýystyrylyp jatyr, ol jyl sońynda bitedi», - dedi ákim. Maýsym aıynda aýdannyń qosylǵan aýmaqtarynda Ermensaı jáne Remızovka shaǵyn aýdandarynda 47,2 km elektr jelilerin rekonstrýksıalaý jumystary bastaldy. Aıaqtalýy – 2024 jyldyń sáýiri.