Kóktem - alma aǵashyn qalypqa keltirýdiń eń ádemi ýaqyty.
Eger butalardy ósken kúıinde qaldyratyn bolsa, onda olar ónim salmaǵynan synyp ketýi múmkin. Sondaı-aq aǵash ta bar kúshin ónim berýge jumsap, kúshin joǵaltady. Keıin aýyryp, ónim bermeıtin bolady, dep habarlaıdy Almaty-akshamy.kz Ernur.kz-ke silteme jasap.
Sondyqtan kóktem kelip, kún jylynǵan soń keskish alyp áreketke kirisý kerek. Kóshetti birinshi qystap shyqqan soń alǵashqy qyrqý. Ósimdikte eń myqty 3-5 butany qaldyrý kerek. astynda turǵan butalar joǵarydaǵydan shamaly uzyn bolǵany durys. Kez kelgen alma aǵashynyń qýraǵan jáne qysta úsip qalǵan butalaryn qyrqyp tastaý kerek.
Óskinderdiń keıbirinde búrshik bolmaı, qabyǵy qaraıǵan bolsa, mindetti túrde kesip tasańyz. Kóshetti ekkennen keıingi úsh, tórt, besinshi jyldary alma aǵashynda joǵarǵy bólik (krona) qalyptasa bastaıdy. Ónim berý tómendemes úshin butalardy az qyrqamyz. Biraq, bir-birine aıqasqan, álsiz butalardy mindetti túrde kesý qajet. Eger alma aǵashyńyzdyń ósip turǵanyna 20 jyldan kóp bolyp qalsa, onda ol jyl ótken saıyn ónimdi az bere bastaıdy. Sondyqtan ony jasartý kerek. Ol úshin jalpy óskinniń 3/1 bóligin kesip tastańyz. İrilerine tıispeńiz. Kelesi 2-3 jyl osylaı qaıtalap otyrý kerek. Sol kezde alma aǵashy tolyqtaı jańaratyn bolady jáne mol ónim bere bastaıdy. Alma aǵashyn durys qyrqyp, kútim jasaı bilseńiz, mol ónimmen qýantatyny sózsiz.