Búgin – dúnıejúzilik Alergıa jáne demikpemen kúres kúni.
Elde ár besinshi adam alergıadan zardap shegedi eken, dep habarlaıdy Almaty-akshamy.kz 24.kz-ke silteme jasap.
Kópshilik kún jylynyp, jaz shyqqanǵa qýanyp jatsa, alergıasy bar adamdar úshin bul jaısyz ýaqyt. Bul kóktemde shóp shyǵyp, tozańdanǵannan kúzge deıin jalǵasady. Sondyqtan osy ýaqyt aralyǵynda túrli ósimdik áser etýi múmkin. Mysaly sáýir men mamyrda aǵashtyń gúldeýi, maýsym, shildede shabyndyq, dándi-daqyldardan shyqqan tozań, al tamyz ben qyrkúıekte aramshópter áser etýi múmkin. Aǵashtar – sáýir, mamyr, shabyndyq dándi-daqyldar – maýsym, shilde, aramshópter – tamyz, qyrkúıek. 2023 jylǵy eseptik kórsetkish boıynsha elde bir ǵana klınıkalyq-dıagnostıkalyq zerthanaǵa maýsymdyq alergıa sebepterin anyqtaý úshin 25 myńnan astam adam júginipti.
Qaırat Qıyqbaev, alergolog-ımmýnolog:
Eń birinshi alergıanyń sebebin anyqtap alý qajet. Kóbinese alergıany qazir sımptomatıkalyq túrde emdeıdi. Iaǵnı, sımptomyn basatyn ǵana dáriler beredi. Olar ýaqytsha áser etedi. Alergıany jazý úshin negizi sebebine qarsy em jasaý kerek. Mysaly birnársege alergıa bolsa, ımmýnojetispeýshilik qoı, sondyqtan organızmniń qarsy turý qabiletin kóterý kerek. Sol úshin alergenderden biz dári jasaımyz, allergovaksınasıa ótkizemiz.
Qazaqstan Densaýlyq saqtaý mınıstrliginiń málimdemesi boıynsha halyqtyń shamamen 30-35%-i maýsymdyq alergıaǵa shaldyǵady. Jyl saıyn qaıtalanatyn bul aýrýdy qysta emdegen tıimdi.
«Sol kezde terige synama jasalyp, aýrý sebebi anyqtalady da, jazda qozýynyń aldyn alýǵa bolady», - deıdi dáriger.