Almaty qalasy polısıa departamenti motosıkl vzvodynyń qyzmetkerleri Almaty joldarynda motosıkl, moped jáne samokattar júrgizýshileriniń 400-den astam JQE buzý deregin anyqtady.
Jyldyń jaz mezgilinde almatylyq polısıa qyzmetkerleri joldarda motosıklmen patrúldeý jumystaryn bastaıdy, dep habarlaıdy Almaty-akshamy.kz Polisia.kz-ke silteme jasap.
Basty maqsat – balamaly kólik túriniń júrgizýshileri tarapynan jiberiletin zań buzýshylyqtardy anyqtaý.
Jergilikti polısıanyń aıtýynsha qyzmettik motosıklder mobıldi bolýǵa múmkindik beredi, patrúldik qyzmetkerleriniń qylmys bolǵan jerge der kezinde jetýin jyldamdatady jáne qala joldaryndaǵy jaǵdaıdy jaqsartýǵa kómektesedi. Sonymen qatar tártip saqshylary motosıklmen patrúldeý arqyly kólikterdi turaqqa qoıý erejelerin buzý derekteriniń jolyn kesedi.