Áleýmettik jeliler men sıfrlyq álemde jańa serpilis jasaǵan atyraýlyq áje taptaýryndar men stereotıpterdi buzyp, shynaıy úlgi kórsetýde, dep habarlaıdy aqshamnews.kz.
70 jasar atyraýlyq áje tıktokta strım júrgizip, 10 mıllıon tapqan. Iá-ıá, tıktokerlerdiń arasynda qazaqtildi ájemiz top bastap, 250 myń oqyrman, ondaǵan mıllıon laık jınap, jergilikti tanymal tulǵaǵa aınalǵan desek te bolady.
Ájemiz 26 jasynda jesir qalyp, 40 jyl boıy eden jýýshy bolyp, kún kórgen, bala-shaǵasyn baqqan eken. Al qazir jastardy shań qaptyryp, mıllıoner atanyp otyr.
Ómirinde kóp qıyndyqtar men aýyrtpalyqtardy bastan ótkergen, biraq eshqashan qoldy bir siltep berilmegen qazaq áıeli búginde zamanaýı álemniń talaby men múmkindikterin utymdy paıdalanyp otyr. TikTok sıaqty platformalarda jas ta, jasamys ta ózin tanytyp, baq qýa alady degen ájemiz – osynyń aıqyn dáleli.
Tek elimizde ǵana emes, búkil álemde qartaıýdy múldem basqa turǵyda kóretin jańa kózqaras qalyptastyryp otyrǵan ájeniń jetistigi jastarǵa da úlken yntalandyrý bolyp tabylady.