Bıyl úlken jekpe-jekter uıymdastyrýǵa tyrysamyn
Orta salmaqta WBO chempıony Jánibek Álimhanuly (13-0, 8 KO) ekinshi orta dıvızıonǵa kóterilip, meksıkalyq Saýl Kanelo Alvareske (58-2-2, 39 KO) qarsylas bolýǵa daıyn ekenin málimdedi, dep habarlaıdy Almaty-akshamy.kz Vesti.kz-ke silteme jasap.
Qazaq boksshy 2023 jyly úlken aıqastar ótkize almasa, osyndaı qadamǵa baratynyn tvıtter jelisinde jazdy.
"Bıyl úlken jekpe-jekter uıymdastyrýǵa tyrysamyn. Al eger maǵan ondaı múmkindik bermese, 2024 jyly 168 fýntta Kaneloǵa mindetti qarsylas bolamyn. Munyń múmkin ekenin bári biledi. Inshalla, kelesi jyly eki salmaqta chempıon atanamyn!" – dep jazypty Jánibek.