Qyrǵyzstan "Buzylmas baýyrlastyq - 2023" oqý-jattyǵýlaryn ótkizýdi josparlap otyr
Ujymdyq qaýipsizdik sharty uıymynyń Bas hatshysy Imanǵalı Tasmaǵambetov qyrǵyz eliniń joǵary saıası jáne áskerı tulǵalarymen kezdesý ótkizý úshin Bishkekke kelip jetti, dep habarlaıdy Almaty-akshamy.kz.
Qyrǵyz Respýblıkasy Prezıdentiniń baspasóz qyzmeti habarlaǵandaı, bul sapar aıasynda UQSHU Bas hatshysy Imanǵalı Tasmaǵambetov pen QR Prezıdenti Sadyr Japarovtyń kezdesýi ótedi, onda taraptar óńirlik qaýipsizdik pen turaqtylyqty qamtamasyz etý máselelerin, sondaı-aq atalǵan uıym sheńberindegi ózara is-qımyldyń basym baǵyttaryn talqylaıdy dep kútiledi.
Sadyr Japarov Qyrǵyzstan UQSHU aıasyndaǵy yntymaqtastyqqa óńirdegi qaýipsizdiktiń kepili retinde aıyryqsha mán beretinin atap ótti. Áskerı, aqparattyq jáne gýmanıtarlyq sıpattaǵy sharalardy úılestirý maqsatynda Qyrǵyzstan bıyl UQSHU bitimgershilik kúshterimen "Buzylmas baýyrlastyq - 2023" oqý-jattyǵýlaryn ótkizýdi josparlap otyr.
UQSHU Bas hatshysy Imanǵalı Tasmaǵambetov Ujymdyq qaýipsizdik sharty uıymynyń 2023 jylǵa arnalǵan baǵdarlamalary men basymdyqtaryn, sondaı-aq UQSHU UQK kezekti sesıasyna daıyndyq barysyn baıandady. Odan bólek, UQSHU Ujymdyq qaýipsizdik keńesi sheshimderiniń oryndalýy jáne aǵymdaǵy jylǵa arnalǵan jumys jospary týraly aqparat berildi.
Aıta ketsek, Ujymdyq qaýipsizdik sharty uıymynyń quramyna alty memleket kiredi: Armenıa, Belarýs, Qazaqstan, Qyrǵyzstan, Reseı jáne Tájikstan.