Atqarýshylyq is júrgizýdi qadaǵalaý jáne kámeletke tolmaǵannyń quqyqtaryn qorǵaý maqsatynda Alataý aýdany prokýratýrasy QR QK 139-baby boıynsha qylmystyq is tirkedi.
Iaǵnı, aıyptalýshy balalaryn kútip-baǵýǵa arnalǵan qarajatty tóleý jónindegi mindetterdi oryndamaǵan, dep habarlaıdy Almaty-akshamy.kz.
Sot talqylaýy barysynda sottalýshynyń kinási dáleldendi, sonymen qatar boryshkerdiń bir jyldan astam ýaqyt boıy alımentterdi tóleý boıynsha óz mindetterin qasaqana oryndamaǵany, tólemnen jaltaryp, óziniń naqty tabysyn sanaly túrde jasyrý nátıjesinde 5 289 106 tenge bereshek paıda bolǵany anyqtaldy.
13.03.2024 jyly Almaty qalasynyń kámeletke tolmaǵandar jónindegi mamandandyrylǵan aýdanaralyq sotynyń úkimimen sottalýshy V.A.N. QR QK 139-babynda kózdelgen qylmystyq quqyq buzýshylyq jasaǵany úshin kináli dep tanyldy. Kinálige qatysty 1 jyl bas bostandyǵynan shekteý búkil kezeńge probasıalyq baqylaý taǵaıyndaýmen, jylyna 100 saǵat májbúrli eńbek túrindegi jazalaý sharalary qoldanyldy (Úkim zańdy kúshine endi).