Almatyda birqatar alaıaqtyqpen aınalysqan áıel ustaldy.
Aqtaý qalasynyń 57 jastaǵy turǵyny ańǵal azamattarǵa páter men kólikti naryqtaǵy qunynan tómen baǵamen satyp alýdy usynǵan. Jábirlenýshilerdiń qarajatyn ıemdenip alǵan áıel ony óz qajettilikterine jumsaǵan, dep habarlaıdy Almaty-akshamy.kz Polisia.kz-ke silteme jasap.
«Jedel-izdestirý sharalary barysynda kúdiktiniń 3 alaıaqtyq deregine qatysy dáleldendi. Qylmystyq is qozǵaldy. Qazirgi ýaqytta ustalǵan azamatsha qamaýda otyr, tergeý amaldary júrgizilip jatyr», – dedi Almaly aýdandyq polısıa basqarmasynyń bastyǵy Oljas Sháripov.
QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.