Smaıylov mınıstrler men ákimderge ózara tyǵyz baılanys ornatyp, árbir máseleni birge sheshý kerek ekenin aıtty.
Premer-Mınıstr Álıhan Smaıylov Prezıdent Qasym-Jomart Toqaevtyń synynan keıin Mınıstrler kabıneti múshelerine úndeý jasady, - dep habarlaıdy Almaty-akshamy.kz
«Prezıdent bergen tapsyrmalardy nátıjeli oryndaý kerek. Prezıdenttiń bizdiń jumysymyzǵa qatysty keshe aıtylǵan syny óte mańyzdy ekenin atap ótkim keledi. Barlyq memlekettik organ, ákimdikter men kvazımemlekettik sektor belsendiligin arttyrýy qajet. Birinshi basshylar Prezıdent tapsyrmalarynyń oryndalýyn jeke baqylaýǵa alýy kerek. Jobalar men baǵdarlamanyń bári óńirlerde júzege asyrylady. Olar halyqtyń ál-aýqatyna tikeleı áser etedi. Sondyqtan, Úkimet pen ákimdikter ózara tyǵyz baılanys ornatyp, árbir máseleni birlesip sheshýi kerek», - dedi Premer-Mınıstr.
Smaıylov mınıstrler men ákimderge ózara tyǵyz baılanys ornatyp, árbir máseleni birge sheshý kerek ekenin aıtty.
«Jalpy, Úkimet jumysynyń nátıjeli bolýy árqaısymyzdyń tıimdi jumys isteýimizge baılanysty. El ekonomıkasynyń damýy, azamattardyń turmys sapasynyń jaqsarǵanyn sezinýi úshin josparlanǵan jumysty birlesip júzege asyrýǵa kúsh salýymyz kerek», - dedi ol.