Búginnen bastap Densaýlyq saqtaý mınıstrligi epıdemıologıalyq jaǵdaıdy baǵalaý matrısasyn ózektendirdi.
Onda 100 myń turǵynǵa shaqqanda 7 kún ishinde ortasha táýliktik syrqattanýshylyq kórsetkishi 100 myń turǵynǵa shaqqanda emdeýge jatqyzylǵandardyń táýliktik kórsetkishi qaıta qaraldy. Bul týraly Densaýlyq saqtaý mınıstri Ajar Ǵınıat málimdedi, dep habarlaıdy Almaty-akshamy.kz Elorda.info-ǵa silteme jasap.
Matrısa qoǵamdyq densaýlyq saqtaý salasyndaǵy ulttyq sarapshylardyń jáne Dúnıejúzilik densaýlyq saqtaý uıymy sarapshylarynyń qatysýymen ózektendirildi. Matrısany qaıta qaraý kezinde ınfeksıalyq stasıonarlar men qarqyndy terapıa bólimshelerindegi emdeýge jatqyzý deńgeıinen, halyqty vaksınasıalaýmen qamtý deńgeıinen, ınfeksıanyń taralýynan jáne koronavırýstyq ınfeksıanyń aınalymdaǵy nusqalarynan aǵymdaǵy epıdemıologıalyq ahýaldy baǵalaý bóliginde DDU usynymdary eskerildi.
«Máselen, jasyl aımaqta – R reprodýktıvti sanynyń kórsetkishine qaramastan, 2 500-ge deıin tósek-oryn qamtylǵanda, sondaı-aq 5 000-ǵa jýyq tósek-orny qamtylǵanda jáne R reprodýktıvti kórsetkishi 1-den kem bolǵanda. Sary aımaqta – shamamen 5000 tósek-oryn jáne R 1-den kóp bolǵanda; nemese 5000-nan 10 000-ǵa deıin tósek-oryn jáne R 1-den az bolǵanda. Qyzyl aımaq – 5000-nan artyq tósek-oryn qamtylsa jáne R 1-den kóp bolǵan kezde; nemese aýrýdyń taralýyna qaramastan, biraq qamtylý 10 000-nan astam bolsa – bul jaǵdaı qıyn ekeniniń belgisi. Syrqattanýshylyq joǵary bolýy múmkin ekenine qaramastan, naýqastardyń 90%-y ambýlatorıalyq em qabyldaýda. Aýrý jeńil, ortasha jáne aýyr túrde ótedi, bul rette ólim-jitim nólge teń», - dedi mınıstr.