Búgin — qoǵam jáne memleket qaıratkeri, ult-azattyq jáne Alash qozǵalysynyń jetekshisi, Alashorda avtonomıaly úkimetiniń tóraǵasy, pýblısıs, ǵalym, aýdarmashy Álıhan Nurmuhameduly Bókeıhannyń týǵan kúni. Osy oraıda almaty-akshamy.kz saıty Álıhan Bókeıhannyń naqyl sózderin jarıalap otyr. Oqı otyryńyzdar.
- Aqylǵa sańyraýlyq ta – aıyp.
- Jurt ádil bolmaı, jurt isi ońǵa baspaıdy.
- Bostandyqqa aparatyn jalǵyz jol – ulttyq yntymaq qana.
- Aqyldy sóz qylmaq qıyn, aqyldy sózdi aqyldy is qylmaq odan da qıyn.
- Bolǵannan – qashpa, bolmaǵanǵa – saspa.
- Ultyna, jurtyna qyzmet etý – bilimnen emes, minezden.
- Kózi soqyrdan, kóńili soqyr jaman.
- Eldiń turmysyn, tilin, minezin bilmegen kisi kósh basyn da alyp júre almaıdy.
- Naǵyz túrik zatty halyq tili – bizdiń qazaqta.
- Eldiń turmysyn, tilin, minezin bilmegen kisi kósh basynda alyp júre almaıdy.
- Tirshilik – báıge: júırik alar, shaban qalar.
- Erinshek pen ezge jol, báıge, sybaǵa, múshe joq.
- Óz kúshine senbegen halyq ta, adam da eshqashan ómir báıgesin ala almaıdy.
- Óziń túıeden ótken jetekshil bolsań, saǵan aqyl ne kerek?
- Bı túzý, bılik ádil bolsyn.
- Maqalany qalam ózi tilegende jazsa, sóz kesteli bolady.
- Jer dese dirildemeı bolmaıdy: jer máselesi – ómir súrý máselesiniń zory.
- Mansapqumar eli – kemeldikke jetpegen el.
- Zań adam paıdasyna jazylady, adam zań úshin týmaıdy ǵoı.
- Eýropa mádenıettimin dep maqtanǵanymen, mádenıeti ónerinde ǵana, al minezi haıýandyq saparynan qaıtqan joq.
- Adam qyzmetine kirispeı qazyna týmaıdy.
- Halyq isin ornyn salýǵa kóp aqyl, kóp qyzmet, kóp jylǵy sheber istegen ádis kerek.
- Adam balasy bir-birine ókimshi de, qul da bolǵan.
- Fransýz, orys hám ózge jurttyń tarıhynan kórinedi: molda úkimetteı aqsha alsa - satylyp ketedi. Rýhanı is aıaq asty bolady. Jalaqy alǵan moldalar úkimetke jetekshil bolyp, erip ketedi.
- Bizdiń qazaq jerdi menshikti qylyp alsa - bashqurtsha kórip mujyqqa satyp, biraz jylda sypyrylyp jalańash shyǵa keledi.
- Bizdiń qazaq ultynyń avtonomıasy jerge baılaýly avtonomıa bolmaq.
- Eýropada halyq partıa bolǵanda adaspas aq jol tabamyz dep, adam aspas asqar belden asamyz dep, jurt ilgeri basatyn is qylamyz dep talasady.
- Qazaq saılaýy - jurtqa kelgen bir jut: saılaý jyly mal baǵýsyz, egin salýsyz, pishen shabýsyz qalady.
- Bizdiń qazaq-qyrǵyz din isin kórkeıtetin bolsa - úkimet isin bólip qoıǵan oń bolady.
- Bizdiń jurt bostandyq, teńdik, qurdastyq, saıasat isin uǵynbasa, tarıh jolynda tezek terip qalady.
- Baılyq basy kópke baılaýly emes - bazarda aqsha bolatynǵa baılaýly.
- Baılyq túbi - aqyl hám qol ustalyǵy. Osy ekeýi qosylmaı adam balasy qazynaǵa jarymaıdy.
- Dúnıede ne bolsa da birte-birte azdap ilgeri basyp bolady.
- Talas-tartys joq bolsa - ómir abaqtyǵa aınalar edi.
- Jurt paıdasyna taza jolmen týra bastaıtyn er tabylsa - qazaq halqy sońynan erer edi.
- Ár zamananyń óz rásimi, óz salty bar. Bizdiń zamandaǵy salt: árkim quqyna talasý, huqyna tartysý bolady. Jylaý salty artta qaldy.
- Baılyqty ónermen, sharýamen, qyzmetpen izder bolar.
- Jer dese dirildemeı bolmaıdy: jer máselesi – ómir súrý máselesiniń zory.
- Tiri bolsam qazaqqa qyzmet qylmaı qoımaımyn