8 naýryz halyqaralyq áıelder merekesine oraı Túrkıa astanasy Ankara qalasynda qazaqtyń sýretshi qyzy Zamıra Zerenniń jeke kórmesi uıymdastyryldy.
Sulýlyq sıqyry» kórmesine sýretshiniń kenep pen qaǵazǵa túrli tehnıkamen salǵan eńbekteri qoıylǵan, dep habarlaıdy almaty-akshamy.kz. Buǵan deıin álemniń birqatar elderinde jeke kórmesin ótkizgen qylqalam sheberiniń shyǵarmashylyǵyndaǵy negizgi keıipkerler - qazaq áıelderi. Túrkıadaǵy Qazaqstan elshiliginiń qoldaýymen kórmeni «Kók tý» qazaq mádenı birlestigi men «Gók ıaı» qory birlese uıymdastyrǵan. Ónersúıer qaýym úshin kórme 8 naýryzǵa deıin ashyq bolady.
Zamıra Zeren, sýretshi:
Bala kúnnen bastap sýret salamyn. Sýret óneriniń negizi - qara qalammen bastadym. Keıin maıly boıaýmen jalǵastyrdym. Áıeldi sýretteý meniń janyma jaqyn. Ártúrli halyqaralyq kórmelerge qatysyp kelemin.
Najı Hafaza, kórermen:
Búgin óte erekshe kórmege kelip turmyn. Birinen biri ótken, árqaısynyń maǵynasy tereń eńbektermen tanystym. Maıly, sýly boıaýlarmen keremet sýretter salynǵan eken.