Almatyda Alǵys aıtý kúnine oraı konsert ótti
Abaı atyndaǵy Qazaq ulttyq opera jáne balet teatrynda «Alǵysym saǵan, Qazaqstan!» atty Alǵys aıtý kúnine oraı konsert ótti. Kóktemniń alǵashqy jaımashýaq kúni Alataýdyń baýraıyndaǵy ásem qala án men jyrǵa bólendi.
Almaty qalasy mádenıet basqarmasy uıymdastyrǵan is-sharanyń júrgizýshileri – Maııa Veronskaıa jáne Ilás Ibraımov. Konsertte kópultty artıser quramy jáne estrada juldyzdary Otan, birlik jáne ulttyq qundylyqtar týraly ánderin oryndady. Kesh shymyldyǵyn «Rahmet saǵan, Týǵan El!» áni negizinde qurastyrylǵan teatrlandyrylǵan mýzykalyq qoıylym ashty. Prologynda Roman Kım, Muzart Life, «Jas sahna» teatrynyń akterleri jáne balalar hory óner kórsetti. Sonymen qatar, Búrkit pen Aısha, Beıbit Qoshqalıev, «Dervıshı», «101», «Urker», «Sıtora Nazarova», «OrySTAR Show» jáne taǵy da basqa toptar án shyrqap, kórermenniń kóńilin kóterdi. «Jas sahna» teatry artıseriniń qatysýymen merekeniń negizgi maǵynasyn ashatyn «Birligimiz – baılyǵymyz» atty mınıatúra usynyldy.
Merekelik konserttiń sońynda Beıbit Qoshkalıev «Elim dep soqsyn júregiń» atty ánin oryndady.
Qazaqstandaǵy Alǵys aıtý kúni – Qazaqstan halqynyń ózara kómegi men birliginiń beınesi. Bul kúni Almaty qalasynyń turǵyndary men qonaqtary shyǵarmashylyq keshterdi, konsertter men teatrlandyrylǵan qoıylymdardy, merekelik jáne mádenı is-sharalardy tamashalap, bir serpilip qaldy.
