Qymbattaýdyń kóshin bastap turǵan pıazdyń baǵasy 4,2%-ǵa artqan.
Bul - 2023 j. aqpanynan beri eń joǵary kórsetkish, dep habarlaıdy Almaty-akshamy.kz Ulttyq statısıka búrosynyń málimetine silteme jasap.
23-30 sáýir aralyǵynda pıaz, kartop, qyryqqabat jáne sábizdiń baǵasy kóterildi.
Ekinshi orynda 2,2%-ǵa qymbattaǵan kartop tur. Qazirgi qarqyny - 2023 j. maýsymynyń aıaǵynan beri eń joǵarysy.
Qyryqqabat baǵasy 1,8%-ǵa ósken.
Sábiz tek 0,3%-ǵa qymbattaǵan. Dese de, buǵan deıin úsh apta qatarynan baǵasy orta eseppen 1,3%-ǵa kóterilgen.
Bul jaǵdaıdyń sebebi - maýsymaralyq kezeń. Qazaqstan ózin jetkilikti túrde bazalyq kókónistermen qamtamasyz ete alady. Biraq qajetti klımattyq jabdyqtarmen jabdyqtalǵan kókónis qoımalarynyń tapshylyǵynan zardap shegedi. Sol sebepti kúzde jınalǵan ónim kún jylyǵanda buzyla bastaıdy. Sáıkesinshe, usynystar azaıyp, baǵalary qymbattaı bastaıdy.