Eldiń basym bóliginde jańbyr jaýyp, burshaq túsedi, úsik júredi.
Sınoptıkter senbi, 2024 jyldyń 4 mamyry kúngi aýa raıy boljamymen bólisti, dep habarlaıdy Almaty-akshamy.
Boljamǵa sáıkes, elimizdiń ońtústik-shyǵysynda ǵana jaýyn-shashynsyz aýa raıy kútiledi.
"Qazaqstannyń basym bóliginde atmosferalyq frontaldy bólikterdiń ótýine baılanysty turaqsyz aýa-raıy saqtalady: naızaǵaı oınap, jańbyr jaýady, túngi ýaqytta elimizdiń shyǵysynda jaýyn-shashyn (jańbyr, qar) bolady dep kútiledi... Respýblıkamyz boıynsha ekpindi jel sıpaty tán, ońtústik óńirde qatty jel tursa, soltústik-batys, soltústik, shyǵys óńirlerde tuman bolady dep boljanady. Túnde Batys Qazaqstan oblysynyń batysynda, soltústiginde synap baǵany 3 gradýs sýyqty kórsetip, úsik júredi, Shyǵys Qazaqstan oblysynyń shyǵysynda, Soltústik Qazaqstan oblysynyń shyǵysynda synap baǵany 2 gradýs sýyqty kórsetip, topyraq betine muz qatady dep kútiledi", delingen "Qazgıdromet" RMK taratqan aqparatta.
Sondaı-aq, sınoptıkter Mańǵystaý oblysynyń basym bóliginde, Atyraý óńiriniń batysynda, soltústiginde, shyǵysynda, Qyzylorda oblysynyń batysynda, ońtústiginde, ortalyǵynda, Qaraǵandy oblysynyń batysynda, Túrkistan oblysynyń soltústiginde, Aqtóbeniń, Abaı oblysynyń ońtústiginde, Ulytaý oblysynyń shyǵysynda, ortalyǵynda órt qaýpi joǵary ekenin eskertedi.