Byltyr elimizde jınalǵan komýnaldyq qaldyqtardyń jalpy kólemi 4,1 mln tonna bolǵan.
Bul aldyńǵy jylmen salystyrǵanda 8,4%-ǵa artyq, dep habarlaıdy Almaty-akshamy.kz
Halyq sanynyń ósýin eskersek, bul tańqalarlyq jaıt emes. Dese de, 2022 jylmen salystyrǵanda qaldyqtardyń paıda bolýynyń jan basyna shaqqandaǵy ortasha qarqyndylyǵy 195-ten 208 kg-ǵa deıin ósken. Jalpy bul deńgeı sońǵy jyldary 200 kg shamasynda, bul 2010 jyldardyń basyndaǵy nátıjelerden (230 kg-nan astam) azyraq.
Bizde qaldyqtardyń negizgi bóligi, ókinishke oraı, dástúrli túrde qoqys úıindisine jiberiledi. 2023 jyly kómýge 2,9 mln tonna túsken jáne onyń jartysynan kóbi aldyn ala suryptaýsyz qabyldanǵan komýnaldyq qaldyqtar boldy. 2022 jylmen salystyrǵanda qoqys úıindisine ketken qoqystyń jalpy salmaǵy 11,6%-ǵa ósken. 2023 jyldyń aıaǵynda kómilgen qaldyqtardyń jalpy kólemi 48,5 mıllıon tonnaǵa jetti.