Naýryz aıynda áleýmettik mańyzy bar azyq-túliktiń 7 túrine baǵa tómendedi, -dep habarlaıdy Almaty-akshamy.kz QazAqparat-qa silteme jasap.
Ranking.kz portalynyń málimetinshe, naýryzdyń sońǵy aptasynda kartop (07 paıyz), pıaz (0,3), qyryqqabat (0,1) qaraqumyq (1,3), kúnbaǵys maıy (1,1), qant (0,8) jáne qus eti (0,4) arzandady. Al birinshi surypty un, odan daıyndalǵan nan, maılylyǵy 2,5 paıyzdy quraıtyn sút baǵasy ózgergen joq.
Ótken jyldyń naýryzynda jaǵdaı múldem basqasha bolatyn. Ol kezde kartop baǵasy - 2,6, sábiz - 3,9, pıaz - 12,2, al qant 35 paıyzǵa qymbattaǵan bolatyn. Al bıyl azyq-túlik baǵasynyń tómendeýine turaqtandyrý qorlaryndaǵy ónimderdiń saýdaǵa shyǵarylýy septigin tıgizip otyr.
Nátıjesinde naýryzda aılyq ınflásıanyń jalpy deńgeıi 0,9 paıyzǵa tómendedi. Bul 2022 jyldyń aqpanyna bergi tutynýshylyq baǵa ósiminiń eń tómengi aılyq kórsetkishi sanalady. Soǵan oraı jyldyq ınflásıa qarqyny da osy jyldyń naýryzynda aqpandaǵy 21,3 jáne qańtardaǵy 20,7 paıyzǵa qaraǵanda 18,1 paıyzǵa deıin baıaýlady.