QR Premer-Mınıstriniń orynbasary Eraly Toǵjanov osylaı dedi.
Bıyl áleýmettik jelilerdegi zańǵa qaıshy 36 484 materıal buǵattaldy, dep habarlaıdy Almaty-akshamy.kz
«Aqparat jáne qoǵamdyq damý mınıstrligi ǵalamtorda qoljetimdi resýrstar men áleýmettik jelilerdi táýlik boıy qadaǵalaıdy. Zańnamany buzý faktileri anyqtalǵan jaǵdaıda ınternetresýrstyń ákimshiligine eskertýler men habarlamalar joldanady. Eskertýler túzetilmegen bolsa, ınternet-resýrs sot sheshimimen zańnamada belgilengen tártippen buǵattalady. Jarıalanǵan materıaldarda qylmystyq is-árekettiń belgileri anyqtalsa, olardyń avtorlary men taratýshylary qylmystyń jaýapkershilikke tartylady», - dedi Eraly Toǵjanov.
Onyń atap ótýinshe, zańǵa qaıshy kontenttiń taralýyna jol bermeý maqsatynda ýákiletti organdar VKontakte, Odnoklassnıkı, Mail.ru, Livejournal, Facebook, Instagram áleýmettik jelileriniń ákimshiligimen tyǵyz yntymaqtastyq ornatqan.
«2022 jyly Aqparat jáne qoǵamdyq damý mınıstrligi júrgizgen monıtorıńtiń nátıjesinde 36 484 zańǵa qaıshy materıal buǵattaldy», - dedi vıse-premer.
Úkimet basshysy usynǵan derekke sáıkes, atalǵan materıaldardyń 35 myńnan astamy terorızm, dinı jáne etnıkalyq ekstremızm ıdeologıasyn taratý; 332-si esirtki quraldaryn nasıhattaý jáne taratýǵa; 3 531-i pornografıany, qatygezdik pen sýısıdti nasıhattaýǵa; 32-si ar-namysqa til tıgizý, bılikti qorlaýǵa, 111-ge jýyǵy jalǵan aqparat taratýǵa qatysty boldy.