Qnet halyqaralyq kompanıasyn Qazaqstanda taǵy da qarjy pıramıdasy dep atady.
Kompanıanyń Qazaqstan aýmaǵynda jumys isteýge lısenzıasy joq. İs fıgýranttarynyń biri úıqamaqqa alyndy, dep habarlaıdy Almaty-akshamy.kz Qarjy monıtorıńi agenttigine silteme jasap.
«Agenttiktiń Aqmola oblysyndaǵy aýmaqtyq departamenti Qnet kompanıasy halyqaralyq qarjy pıramıdasynyń qurylymdyq bólimshesiniń basshylaryna qatysty sotqa deıingi tergeý bastady», - dep málimdedi agenttiktiń baspasóz hatshysy Álibek Ábdilov.
Onyń aıtýynsha, kompanıa Qazaqstan aýmaǵynda tirkelmegen, kásipkerlik qyzmetti júzege asyrmaıdy, bank qyzmeti men bank operasıalaryn júrgizýge lısenzıasy, ruqsaty joq.
Buǵan qosa, is fıgýranttarynyń birine qatysty úıqamaqqa alý túrinde bultartpaý sharasy tańdaldy.
Qnet – QI tobynyń negizgi enshiles kásiporny. 1998 jyly negizi qalanǵan. Gonkongte ornalasqan, tikeleı satylym men kóp deńgeıli marketıńti paıdalanady. Kompanıa qarjy pıramıdasyn qurdy dep birneshe ret aıyptaldy.