Shymkenttik áıel ózin ózi emdeımin dep ólim aýzynan qaldy.
53 jastaǵy kelinshek qan qysymyn tómendetý úshin áleýmettik jelidegi keńespen alma sirkesýy, kýrkýma men zimbirden jasalǵan suıyqtyqty ishken, dep habarlaıdy aqshamnews.kz.
Saldarynan áıeldiń denesi bórtip, terisi qaraıyp ketken. Anafılaktıkalyq shok alǵan naýqas aýyr hálde aýrýhanaǵa túsip, 2 kún jansaqtaýda jatyp, esin endi jınaǵan.
Naýqas, qala turǵyny:
Birinshi basym qyshydy. Denem qyshydy. Aldymen qoldaryma shyqty. Ertesine sıstema salyp bolǵan soń, kúsheıe bastady. Kózime, aýzyma shyqty. Denemdegiler shyǵyp bolǵan soń, betime shyqty ǵoı. Ol suıyqtyq — daıyn narse. Osy Shymkentte Qazyǵurt shaǵynaýdanynda daıyndap shyǵarady. Shyny bótelkede turady.
Ólim aýzynda jatqan áıeldi aman alyp qalǵan dárigerler «Laıella» dıagnozyn qoıdy. Bul - alergıaly dermatıtttiń eń aýyr túri. Aq halattylardyń sózinshe, sońǵy ýaqytta áleýmettik jeli arqyly emdelemin dep zardap shekkender kóbeıgen.
Baqytjan Pozılov, №2 qalalyq aýrýhananyń bas dárigeri:
Osy aýrýmen, osyndaı dıagnozben túsken jaǵdaıda 90 paıyz kisiler qaıtys bolyp ketedi. Bul kisi der kezinde durys, jaqsy kómek kórsetilgenniń nátıjesinde aman qaldy. Internet arqyly, áleýmettik jeli, TikTok arqyly sońǵy ýaqytta dıplomy joq mamandar túrli aýrýlardy emdeý boıynsha nusqaý beredi. Qandaı dári ishý kerektigin aıtady. Sodan zardap shegip jatqan naýqastar óte kóp.