Ótken túnde Jetisý jáne Qostanaı oblystarynda qutqarýshylar qar qursaýynda qalǵan 63 adamdy qutqardy, dep habarlaıdy aqshamnews.kz QR TJM-ine silteme jasap.
Jetisý oblysynda (Alakól aýdany, Úsharal-Dostyq avtojoly, Toqty ýchaskesi) aýa raıynyń qolaısyzdyǵyna baılanysty jeńil avtokólik qar qursaýynda qalyp qoıǵan.
Qutqarýshylar «Trekol» jol talǵamaıtyn kóligimen oqıǵa ornyna jetip, kólikte bolǵan tórt adamdy Qoqtyma aýylyna jetkizdi. Olarǵa medısınalyq kómek qajet bolmady.
Sol túni Qostanaı oblysynda taǵy 59 adam qar qursaýynan qutqaryldy. Bul oqıǵa Denısov aýdanyndaǵy Qarabutaq-Qostanaı avtojolynda avtobýs synyp qalǵan kezde oryn alǵan. Qutqarýshylar adamdardy Denısovka aýylyna evakýasıalady. Bul joly da zardap shekkenderge medısınalyq kómek qajet bolǵan joq.
Qutqarýshylar aýa raıy boljamyn muqıat baqylap, qolaısyz jaǵdaıda alys saparlardan aýlaq bolýǵa keńes beredi.