Jańa jyl qarsańynda almatylyqtardyń quttyqtaýlary Qytaı teledıdarynda kórsetiletin bolady
2023 jyldyń 31 jeltoqsanynan 2024 jyldyń 1 qańtaryna deıin Almatydaǵy Abaı alańynda alǵash ret Poetry Date Halyqaralyq jańa jyldyq poezıalyq aksıasynyń túsirilimi ótedi, dep habarlaıdy almaty-akshamy.kz
Translásıa Almaty ýaqyty boıynsha saǵat 14:00-de bastalady jáne Qytaıdyń CGTN iri jahandyq televızıalyq jelisiniń medıa platformasynda tikeleı efırde kórsetiletin bolady. Álemniń 7 qalasy ǵana jańa jyldyq telemarafonǵa qatysa alady. Almatydan basqa bıyl Parıj, Sıdneı, Kaır, Mehıko, Sıan jáne Chanshı efırge qosylady.
Translásıa medıa platformada 24 saǵat ishinde ótedi. Aksıaǵa kez kelgen adam qatysa alady, ol úshin óleńdi qazaq nemese orys tilinde oqý jetkilikti.
Poetry Date jańa jyldyq beınebaıanyna qazaq estradasynyń juldyzdary, tanymal ártister men aqyndar qatysady. Jańa jyl qarsańynda adamdar ótip bara jatqan 2023 jylmen qoshtasýǵa jáne jańa 2024 jyldy álemniń túkpir-túkpirindegi dostarymen birge qarsy alýǵa jınalady.
Aıta keteıik, bıyl Almatyda týrıser sanynyń aıtarlyqtaı ósýi baıqaldy. 2023 jyldyń toǵyz aıynda qala 409,4 myńnan astam sheteldik týrıserdi qabyldady, onyń ishinde 47,6 myń týrıs Qytaıdan kelgen.
10-qarashadan bastap Qazaqstan jáne Qytaı arasynda jeke, týrısik, emdik maqsatta, sondaı-aq Halyqaralyq tasymaldar, iskerlik saparlar men tranzıt úshin elge barýdy jeńildetetin ózara vızasyz rejım kúshine endi.