Qazaqstanda salynǵan ekpeniń qujatyn Taıland, Mońǵolıa, Vengrıa, Qyrǵyzstan, Grýzıa, Kıpr, Túrkıa elderi moıyndady.
Qazaqstanda alynǵan vaksına pasportyn moıyndaıtyn elder ataldy, dep habarlaıdy QazAqparat tilshisi.
QR DSM ókili Aıjan Esmaǵambetovanyń aıtýynsha, Densaýlyq saqtaý mınıstrligi Syrtqy ister mınıstrligimen birlesip ózara vaksına pasportyn moıyndaý týraly kelissózder júrgizip jatyr,dep habarlaıdy Almaty-akshamy.kz
«Vaksına alýda onyń pasporty shetelde moıyndalǵany emes, onyń qanshalyqty tıimdi ekeni mańyzdy. Basty maqsat – vaksınanyń adam aǵzasyn qorǵaýy, sol arqyly densaýlyǵymyzdy saqtaımyz. Biz úshin eń bastysy osy. Búgingi kúni Qazaqstanda alynǵan vaksınanyń pasportyn Taıland, Mońǵolıa, Vengrıa, Qyrǵyzstan, Grýzıa, Kıpr, Túrkıa elderi moıyndap otyr. Sol sekildi Reseıde de EAEO aıasynda vaksına pasportyn moıyndaý kelissózi júrgizilýde. Sheteldikterdiń vaksına pasportyn biz ǵana moıyndap qoımaı, ekijaqty etý mindeti tur», - dedi QR Densaýlyq saqtaý mınıstrligi sanıtarıalyq-epıdemıologıalyq baqylaý komıtetiniń tóraǵasy Aıjan Esmaǵambetova.