Jyl basynan beri bir jasqa tolmaǵan 1180 náreste koronavırýs juqtyrǵan.
Almatynyń bas sanıtary el arasynda jeldeı esken «Balalarǵa ekpe salynaıyn dep jatyr» degen qaýesettiń núktesin qoıdy, dep habarlaıdy Almaty-akshamy.kz
Jandarbek Bekshınniń aıtýynsha, elimizde koronavırýsqa qarsy salynyp jatqan vaksınanyń barlyǵy 18 jastan asqandarǵa arnalǵan.
«Balalarǵa vaksına salynady eken degen qaýeset halyqty úreılendirip jatyr. Vaksınanyń balalarǵa salynatynyn rastaıtyn eshqandaı resmı qujat joq. Sondyqtan mundaı ańyz aqparatty taratýdy doǵarý kerek. Onyń barlyǵy halyqty alańdatý maqsatynda jasalyp jatyr dep oılaımyn. Elimizde 18 jasqa deıingi balalarǵa vaksına salý máselesi qaralmaǵan», - dedi Almaty qalasynyń memlekettik bas sanıtar dárigeri Jandarbek Bekshın.
Bas sanıtardyń málimetinshe, jyl basynan beri bir jasqa tolmaǵan 1180 náreste koronavırýs juqtyrǵan.
«Al shilde aıynyń eki aptasynda 185 náreste aýyrǵan. Olarǵa ata-anasynan, ıaǵnı otbasynda juǵyp jatyr. Bir jasqa tolmaǵan náresteler qaı jeri aýyryp turǵanyn aıta almaıdy. Sondyqtan olardy qorǵaý kerek. Onyń ústine 18 jasqa tolmaǵan balalar arasynda da aýrýshańdyq ósip barady. Byltyr 280 oqýshy aýyrsa, bıyl 5 myńǵa jetti. Sondyqtan qaýipsizdik sharalaryn ustanýymyz kerek», - dedi Almaty qalasynyń memlekettik bas sanıtar dárigeri.