Sporttyq saıys general-maıor Rústem Qaıdarovty eske alýǵa arnaldy.
Jyl saıyn uıymdastyrylatyn dástúrli jarysqa bıyl elimizdiń barlyq óńirinen jáne Qyrǵyzstan men Tájikstannan, sondaı-aq Ýkraınadan 200-den asa úmitker qatysty. 2 kúndik jarystyń qortyndysy boıynsha, jalpy komandalyq esepte Ortalyq Armıashylar komandasy top jarsa, Abaı oblysynan kelgen samboshylar 2-shi, al Almaty oblysynyń quramasy úshtikti túıindedi. Jambyldyq Erlan Mahmutov pen 98 kelide beldesken Kenjebek Túımebekterdiń boz kilemdegi jankeshtiligine jankúıerler qol soqty. Osy jarystyń jeńimpazdary endi álem birinshiliginde el namysyn qorǵaıdy.
«Bul jarys - negizi álem chempıontyna daıyndyq. İrikteý jarysy bolyp jatyr. Bul jarysta 1-shi oryn alǵan sportshylarǵa sport sheberi degen ataǵy beriledi. Bul jarystyń maqsaty - jastardy sportqa baýlý. Keleshekte elimizdiń týyn úlken-úlken jarystarda jelbiretse degen nıetpen jylda ótkizemiz», - dedi Almaty qalasy Sambo federasıasynyń prezıdenti Baqtıar Qunaqynov.