Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý Qazaqstandaǵy dıplomatıalyq mısıasynyń aıaqtalýyna baılanysty Ózbekstan Respýblıkasynyń Elshisi Saıdıkram Nıazhodjaevty qabyldady.
Kezdesý barysynda Mınıstr memleket basshylarynyń saıası erik-jigeriniń arqasynda qazaq-ózbek qatynastary sońǵy jyldary strategıalyq seriktestik pen odaqtastyq deńgeıine kóterilgenin atap ótti, dep habarlaıdy aqshamnews.kz Syrtqy ister mınıstrligine silteme jasap.
Osyǵan baılanysty Ózbekstan Prezıdenti Shavkat Mırzıóevtiń ú.j. 7-8 tamyzda Astanaǵa jasaǵan aýqymy men mazmuny boıynsha tarıhı memlekettik saparynyń qorytyndysy kópsalaly ekijaqty yntymaqtastyqty odan ári damytý úshin joǵary praktıkalyq mańyzǵa ıe.
Prezıdent Jarlyǵyna sáıkes Mınıstr Elshiniń ekijaqty qatynastardy nyǵaıtý boıynsha atqarǵan úlken jumysy jáne qosqan eleýli úlesin atap ótip, Elshige II dárejeli «Dostyq» joǵary memlekettik nagradasyn tabys etti jáne kásibı qyzmetinde jańa tabystar tiledi.
Óz kezeginde ózbek dıplomaty QR basshylyǵy tarapynan onyń qyzmetine joǵary baǵa bergeni úshin mol rızashylyǵyn bildirip, dostyq, baýyrlastyq jáne tatý kórshilik rýhynda qazaq-ózbek qatynastarynyń odan ári údemeli damýyna senim bildirdi.